Толгой нь эргэсэн яг амьдрал шиг шүлэг минь

Тоос дарсан сэтгэлээс хирийг арчиж өг

Тос нүнжиггүй нэгэнд өнгөр тогтоож өг

Тоотой хэдхэн насанд хүн шиг явуулж аль

Буруу харсан хатиг шиг шүлэг минь

Бугийг ч живүүлсэн үерийн буцлах бор ус шиг

Бурхан хилэгнэсэн тэнгэрийн гал ноцсон аянга шиг

Буруу харж буйлсан хатиг шиг шүлэг минь

Насаараа аварга загас шиг яваад нь буян хайрла

Намгийн мэлхий шиг зайлуулд сэтгэл хайрла

Нанчдын эргүү гараагүйд нь ухаан хайрла

Наждын лай үүрэгсдэд заяа хайрла

Бундын хатан шиг томоогүйхэн шүлэг минь

Бууж мордох амьдралд гэгээ хайрла, цэлмэж яваг

Буцаж үдлэх хоромд инээд хайрла, жаргаж яваг

Будилж эргэцэх эгшинд нулимс хайрла, хүн яваг

Бундын хатан шиг томоогүйхэн шүлэг минь

1996.8.30